Meri Raat Din Mein Chupi Hoi

                                                             Meri Raat Din Me Chupi Chupi

Mera Din Chupa Kisi Raat Me

Meri Zindagi Aik Raaz Hai

Koi Raaz Hai Meri Baat Me

Me Jahan Kahin Bhi Ulajh Gaya

Wahin Girte Girte Sambhal Gaya

Mujhe Thokaron Se Pata Chala

Mera Haath Hai Kisi Haath Me...

ek pahar aur gilehri

 

            Aik Pahar Aur Gulehri


Koi Pahar Ye Kehta Tha Ek Gulehri Se
Tujhe Ho Sharam To Pani Mein Ja Ke Doob Maray

Zara Si Cheez Hai, Iss Pe Garoor, Kya Kehna
Ye Aqal Aur Ye Samajh, Ye Shaur, Kya Kehna!



Khuda Ki Shan Hai Na-Cheez, Cheez Ban Baithen
Jo Be-Shaur Hon, Yun Ba-Tameez Ban Baithen


Teri Bisat Hai Kya Meri Shan Ke Aagay
Zameen Hai Passt Meri Aan Baan Ke Aagay


Jo Baat Mujh Mein Hai, Tujh Ko Vo Naseeb Kahan
Bhala Pahar Kahan, Janwar Gareeb Kahan!



Kaha Ye Sun Ke Gulehri Ne, Munh Sambhal Zara
Ye Kachi Baatain Hain Dil Se Inhain Nikal Zara

Jo Mein Bari Nahin Teri Tarah To Kya Parwa
Nahin Hai Tu Bhi To Aakhir Meri Tarah Chotta



Her Aik Cheez Se Paida Khuda Ki Qudrat Hai
Koi Bara, Koi Chotta, Ye Uss Ki Hikmat Hai



Bara Jahan Mein Tujh Ko Bana Diya Uss Ne
Mujhe Darakht Pe Charhna Sikha Diya Uss Ne


Qadam Uthane Ki Takat Nahin Zara Tujh Mein
Niri Barai Hai, Khubi Hai Aur Kya Tujh Mein


Jo Tu Bara Hai To Mujh Sa Hunar Dikha Mujh Ko
Ye Chaliya Hi Zara Tor Ker Dikha Mujh Ko


Nahin Hai Cheez Nakami Koi Zamane Mein
Koi Bura Nahin Qudrat Ke Karkhane Mein

Baba Bulleh Shah

dua

 

 Ya Rab! Dil-e-Muslim Ko Woh Zinda Tamana De

 Jo Qalb Ko Garma De, Jo Rooh Ko Tarpa De

 Phir Wadi-e-Faran Ke Har Zarre Ko Chamka De

 Phir Shauq-e-Tamasha De, Phir Zauq-e-Taqaza

 Mehroom-e-Tamasha Ko Phir Dida-e-Beena De

 Dekha Hai Jo Kuch Mein Ne Auron Ko Bhi Dikhla De

 Bhatke Huway Aahu Ko Phir Soo’ay Haram Le Chal

 Iss Sheher Ke Khugar Ko Phir Wusaat-e-Sehra De

 Paida Dil-e-Weeran Mein Phir Shaurish-e-Mehshar Kar

 Iss Mehmil-e-Khali Ko Phir Shahid-e-Laila De

 Iss Dour Ki Zulmat Mein Har Qalb-e-Preshan Ko

 Woh Dagh-e-Mohabbat De Jo Chand Ko Sharma De

 Riffat Mein Maqasid Ko Humdosh-e-Surraya Kar

 Khuddari-e-Sahil De, Azadi-e-Darya De

 Be Lous Mohabbat Ho, Bebak Sadaqat Ho

 Seenon Mein Ujala Kar, Dil Soorat-e-Meena De

 Ehsas Anayat Kar Asaar-e-Mosibat Ka

 Amroz Ki Shuarish Mein Andesha-e-Farda De

 Main Bulbul-e-Nalan Hun Ek Ujre Gulistan Ka

 Taseer Ka Saa’il Hun, Mauhtaj Ko, Data De!

Dr. Muhammad Iqbal

    iqbal tairay dais ka kya haal sunaoun

    dehqaan to mrkhp gaya ab kis ko jagaoon

    milta hai kahan khosha gandum kay jalau

    shaheen ka hai gunbad shahi pay basera

    kunjishk ko ab kis se laraon

 

                                            Iqbal tairay dais ka kya haal sunaoun

 

    har daarhi mein tinka hai, har aik aankh mein shehteer

    momeen ki nigahon se badalti nahi taqadir

    toheed ki talwar se khaali hain naya mein

    ab zouq yaqeen se nahi katti koi zanjeer

 

                                            Iqbal tairay dais ka kya haal sunaoun

 

    shahin ka jahan aaj gargas ka jahan hai

    melti hui mlaa se Mujahid ki azan hai

    mana kay sitaron se bhi agay hain jahan aur

    shahin mein magar taaqat parwaaz kahan hai

 

                                            Iqbal tairay dais ka kya haal sunaoun

 

    mar-mar ki slon se koi be zaar nahi hai

    rehne ko haram mein koi tayyar nahi hai

    kehnay ko har ik shakhs musalman hai, lekin

    daikho to kahin naam ko kirdaar nahi hai

 

                                            Iqbal tairay dais ka kya haal sunaoun

 

    bebaki o haq goi se ghabrata hai momeen

    makkari o robahi pay itrata hai momeen

    jis rizaq se parwaaz mein kotahi ka darr ho

    woh rizaq barray shoq se ab katha hai momeen

 

                                            Iqbal tairay dais ka kya haal sunaoun

 

    peda kabhi hoti thi sehar jis ki azan se

    iss banda momeen ko mein ab lau kahan se

    woh sajda zamee jis se laraz jati thi yaaro !

    ik baar tha hum chaatt gaye iss se

 

                                            Iqbal tairay dais ka kya haal sunaoun

 

    jhagray hain yahan sobon ke zaaton ke nasb ke

    ugte hain teh Gul khaar ghazab ke

    yeh dais hai sab ka magar iss ka nahi koi

    iss ke tan khasta pay to ab daant hain sab ke

 

                                            Iqbal tairay dais ka kya haal sunaoun

 

    mehmoodon ki saf aaj ayazon se paray hai

    jamhoor se sultaani jamhoor daray hai

    hamaay huay daman hai yahan par jo khudi ka

    mar mar ke jiye hai kabhi jee jee ke marey hai

 

                                            Iqbal tairay dais ka kya haal sunaoun

 

    daikho to zara mehloon ke pardon ko utha kar

    Shamsheer o sinaan rakhi hain taqon pay saja kar

    atay hain nazar masnad Shahi pay rangeele

    taqadir mnh so gayi pay aa kar

 

                                            Iqbal tairay dais ka kya haal sunaoun

     

    makkari o ayyari o ghaddari o hejaan

    ab bantaa hai in chaar anasir se musalman

    qaari usay kehna to bari baat hai yaaro !

    iss ne to kabhi khol ke dekha nahi quran

 

                                            Iqbal tairay dais ka kya haal sunaoun

 

    kirdaar ka guftaar ka aamaal ka momeen

    qael nahi aisay kisi janjaal ka momin

    sarhad ka hai momeen koi bangal ka momeen

    dhoonday se bhi milta nahi quran ka momeen

 

                                            Iqbal tairay dais ka kya haal sunaoun